Logroño

 San Jose de Calasanz Eguneko Zentroa Errioxako Gobernuarena da eta Logroñon dago. Zentroak 55 lagunentzako tokia dauka.

2013ko urtarrilean hartu zuen bere gain GSRk Zentro honen kudeaketa. Bertan, Alzheimerra edo dementziaren bat diagnostikatuta duten erabiltzaileak daude gehien bat. 

Zentroak bi solairu dauzka. Beheko solairuak 31 erabiltzailerentzako tokia dauka eta goiko solairuak 24 toki, eta erabiltzaileak beren maila kognitiboaren arabera banatzen dira. 

Terapia-aretoak, telebista-aretoa, jangelak, bainugela egokituak eta bainugela geriatrikoak elementu komunak dira. Beheko solairuan, harrera-mahaia, bulego-eremua (terapeuta okupazionalak, gizarte-langilea, etab.), gimnasioa, eserlekudun barruko patioa eta urgonetak gordetzeko patioa daude, eta goiko solairuan, berriz, ileapaindegia. 

Horrez gain, zuzeneko eskulaneko langileak (erizaintzako laguntzaileak) ditugu, baita honako zerbitzu hauek ere: Zerbitzu medikoa eta erizaintzakoa, fisioterapiakoa, terapia okupazionalekoa, gizarte-lan eta psikologikoa, garbiketakoa, ile-apaindegikoa eta podologikoa. Hori guztia erabiltzaileen ahalik eta garapen handiena lortzeko, baita senideei laguntza emateko ere, erabiltzaileak beren etxean egon dadin erraztuta.